Heilsarmee

D Heilsarmee isch en überkonfessionelli, methodistisch beiiflussti chrischtlichi Gemeinschaft. Sii isch 1878 als Salvation army vom William Booth in London gründet worde. Sii isch relativ hierarchisch uufbaut und tritt in Uniforme uuf. Ziil von dr Heilsarmee sind vor allem Bekehrig und Armepfleg. Vor allem vor dr Wiehnacht gseht me sii viil in beläbte Bereiche musiziere. D Anna vo Wattenwyl (1841 bis 1927) isch en Schwiizer Pionierin von dr Heilsarmee gsii.